Xəbərlər
Prezident İlham Əliyev “Çoxmənzilli binaların dam örtüklərinin təmiri ilə bağlı tədbirlər haqqında” Sərəncam imzalayıb
Azərbaycan Respublikasının Prezidenti İlham Əliyev martın 12-də “Çoxmənzilli binaların dam örtüklərinin təmiri ilə bağlı tədbirlər haqqında” Sərəncam imzalayıb.
Sərəncama əsasən, çoxmənzilli binaların dam örtüklərinin təmiri məqsədilə Azərbaycan Respublikası Prezidentinin 2019-cu il 15 yanvar tarixli 890 nömrəli Sərəncamı ilə təsdiq edilmiş “Azərbaycan Respublikasının 2019-cu il dövlət büdcəsində digər layihələr üzrə dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.67-ci bəndində göstərilmiş məbləğin 2 milyon 206 min manatı Naxçıvan Muxtar Respublikasının Nazirlər Kabinetinə ayrıldı.