Xəbərlər
Əmək və Əhalinin Sosial Müdafiəsi Nazirliyinin xətti ilə indiyədək 5 min 443 əlil və şəhid ailəsinə mənzil verilib
Bu ilin ötən dövründə Beyləqan rayonunda çoxmənzilli yaşayış binası, həmçinin 25-dək rayonda fərdi yaşayış evləri, Abşeron rayonunda hazır yaşayış binalarından alınaraq təmir etdirilmiş mənzillər istifadəyə verilməklə, 211 Qarabağ müharibəsi əlili və şəhid ailəsi mənzillərlə təmin edilib.
Bu barədə Əmək və Əhalinin Sosial Müdafiəsi Nazirliyindən bildirilib.
Məlumata görə, ümumilikdə indiyədək Əmək və Əhalinin Sosial Müdafiəsi Nazirliyinin xətti ilə 5 min 443 əlil və şəhid ailəsinə mənzil verilib. Mənzillə təmin olunanların 91 faizindən çoxu məhz Qarabağ müharibəsi əlilləri və şəhid ailələridir.